I want—was chief it said
When Skill entreated it—the last—
And when so newly dead—
I could not deem it late—to hear
That single—steadfast sigh—
The lips had placed as with a ‘Please’
Toward Eternity—
सिनायबाय आं बिसोरखौ,
हौवा हिनजाव महराव
उन्दै गिदिर सोलेराव।
732
अ आ रोँनायनिफ्राय
इंराजियाव ABCD रोँनायसिम,
आवरायनो रोँबाय आं खन्थाइ,
फरायनो रोँबाय आं हांखोमानि।
733
देरनायनि उनाव देरनानै
सोलोँबाय मोनफानि उनाव मोनफायै,
रोँबाय आं मोनफानि उनाव मोनफायैनो।
734
बिमानि राव रोँनायनिफ्राय
आरोबाव सोलोँबाय गुबुननि रावखौ
रोँबाय आं एसे एनैखौ।
735
मिथिँगाखौ मोजां मोनबाय आं
मिथिँगानि महरखौ,
मिथिँगानि गोदान महर मुस्रिखौ।
736
मिथिँगानि गेजेर गेजेर रिँखांनाय
दाउसिननि रैसुमै गारांखौ
जिबि जुनारनि गारांखौ,
मिथिँगानि सिङाव रिँनाय
एम्फौ एनलानि गारांखौ,
मिथिँगानि गेजेर गेजेर रिँखांनाय
दैमा दैसानि
बार अख्रांनि
बिफां लाइफांनि बायदि गारांखौ
मोजां मोनबाय आं।
737
मिथिँगानि गेजेर गेजेर
बारनाय बारखौ
आं लोगोथार सानबाय।
738
मुलुगाव नुजानाय जोँमा सानखौ
खुलुमै खुलुमै आं गोमोबाय
बिखौनो आं अबं सानबाय।
739
बिदिन्थानि फुं सानसु
बेलारोम बेलासि
सान हर मोनाबिलिखौ
आं लोगोथार सानबाय।
740
हरनि उनाव हराव नुजानाय
जोँमा गावदां अखाफोरखौ
आं बिमाबादिसो मोनबाय।
741
अखोरांनि जिरि बोनाय
गुसु निहोरा
आंनि थांना थानाय थुलुंगा,
बिनि आहार-
आं बोगासिनो बोयो।
742
हरनि उनाव हराव नुजानाय
जोँथि-माथि हाथर्खिफोरा
आंनि लोगोथार जाबाय,
बिसोर आंखौ रंजा होबाय।
743
सानाव मावनाय साननि गोरोन्थिखौ
बिसोर बावगारनो होबाय,
खोमसियाव गिनाय आंनि गोरबोखौ
बिसोर लासै लासै खोमोरबाय
हरावबो आंनि गिनाय खोमाबाय।
744
गाबनायल’ नङा जिउआ
रंजानायनिबो बे जोनोमा,
अनजालिजोँ आंजोँ अराय रंजाबाय।
745
अनजालिखौ लानानै आं
आंखौनो लानानै अनजालियाबो
थैस’ थांस’ समाय बियो।
746
समायना रमायना हाजोआ
आंनि, अनजालिनि रंजानायखौ
आज्लं आज्लं नायहरो
मिनिसुलु गोजानाव थानानै।
747
बिफां-लाइफांआ गसंफायो
बिसोरबो नायहरफायो
अन्थाइफोरा बाखोथाब बाखोथाब
हाजि हाजि जोँख्लाब जोँख्लिब
गोलैहां गोलैहां नायहरो
अनजालिजोँ आंजोँ खारलाङो।
748
जुब जुब अखा हायो
बिफां-लाइफां मोसायो,
बारआ एब्रेफायो,
मिथिस’यै जोमै गेजेराव
सोरबा खाम दामो।
749
बिसोर आंखौ गल’ नायो
आं मिनिसुलु मिनियो
खनानिफ्राय ओँखार बोयो निजोरा,
गोजौ खुसियै मिनिसुलु
जोबोद खुसि बियो।
750
अनजालिजोँ आंजोँ गोजोमो गोजोनै
दाउसिन दाउला नायफैयो,
मेथाइ रोजाब फैयो
मोख्रा मोसा फैयो दालाय दालाय।
751
नायनो गोमोथाव जोमैया
अनजालिजोँ आंजोँ नायहरो-
लासै लासै अख्रांआव
समायना नायनो बिरथिँबायो।
752
गोजाननिफ्राय गोजानसिम
आंखौ बोलाङो-
दाउसिन दाउला बिरफायो
सिंखाव सिंखाव बिरलाङो।
753
जोमैया दाखा जायो
दाउसिनफोरा खेबख्लायो,
दुफावलु महरै
जुब जुब अखा हायो।
754
बिफांनि मोसानाय हायला हुयला
बेन्दोँ बेनलानि जानजि सोमावनाय
दैसाया मेथाइ खनो,
खुगा सियै समायनायै
हांसो सिलारि दुगैयो।
755
गां बुब्राब बुब्राब
समायनासिन थब्ल’यो
बिरलाङो बहाबा बियो।
756
नाफोरा हालि हालि ओँखारो
बयबो रंजायो खांख्राय नाथुर
इलांसि सिब्रुमोना बिलाइ खिलियो।
757
रिमोनद्ला अन्थाइयाव ना खान्दामोना
गाखोलाय ओँखारलाय खालामो,
गोब्रा अन्थाइयाव साम’आ
खन्थाइ लिरो गोसो होयै होयै।
758
हाब्रु दलबसेयाव-
खानस्रिया जारिमिन लिरो,
दर्जा नारखावना सोरखौबा नागिरो
नागिरबायो मोना ससमाया।
759
गोसा सान्दुं-
आं सहाय हाया,
बिफां सिङाव अनजालि आं,
मिनि खुसि जिरायो।
760
जिउनि हाबाफोरा आद्रि जालांबाय
सानख’ हायै बिसम्बिनि,
आं गोसोखाङो-
सानबोलावरियाव थब्ल’नाङो हां मोना मोना।
761
साना फैसालियाव थाबथायो,
बिखौ नायहरै नायहरै-
नांथायो आंनि गोरिब मेगना।
762
गोजोन मोनाखै आं
उदारनि कलारिँ
आर सि सि बिल्दीँ नुनानै,
गोजोन्दोँ आं बांबुनि माय दुब्लिखौसो।
763
रंजायाखै आं
बुफननि आहुजा रिँनायखौ
रंजादोँ आं गामिनि लामा
अखानि दैस्लुंखौसो।
764
जोँमा गावदांआ मिनिसुलु
मानोबा लाजिनायाव एखोमादोँ
गावनि नायथावै लंथं सोलेरखौ (?)
थाखोमादोँ मानोबा खोमसियाव
नायहरदोँ थेवबो आं लाजिसुलु
समायना मिनि मोखां खावसेखौ।
765
गाम्बारि सोमखोर बिलाइया
खोबथेदोँ खावसे मोखांखौ
नंगौ नंगौ खाथिनि औवा सुबायाबो
खोबथेदोँ जोँमानि लंथं सोलेरखौ।
766
खोमसियाव आंनि माबा(?)
लाजिया मिनिसुलु जोँमाया
खावसेल’ मोखांजोँ नायहरो।
768
दुंनायजोँ गोदौनाय बोथोर
बिफांफोरा गंग्लायदोँ
बिरबायना मेंहाबनाय दाउसिनफोरा
थेनथौज्रोम दालाइयाव
गांखं फिस्रिना थादोँ;
मेगना आंनि थोँ-
गोजौ गोजोँ नायहरदोँ।
769
खोरखि खनाजोँ नायहरखोमानाय
गोसो होना खोनासंनाय
आं नुहरदोँमोन सिख्लानि,
बियो एसेबां सांग्रांदि जेन’
रावबो नुनो हाया
नाथाय आंनि मेगन नोजोराव
बियो हास्लाबाखै।
770
बिनि मेगनजोँ आंनि मेगना
सौग्रावलायदोँमोन,
बियो मादि सानदोँ आं मिथिया
नाथाय आंनि गोसोआव सोमो-
नांनायनि अनगा जेबो गैयामोन।
771
आं देलायगासिनो दंमोन
दरजा नारब्लांफैयो जिउलिया
आं सोमो नांदोँमोन,
जोबोद खुसिनि मिनिनायजोँ
गोजोँ हाथाइ खिथिना
बियो रायदावदोँ-
जायाखै नामा दाबो?
772
आं आयना नायदोँमोन
बिनि मिनिनायखौ आयनायाव
गोजोँसिन नुदोँमोन आं
दान्दिसे बियो आंखौनो
नायना थायो मिनिखुसि।
773
आं खन्थाइ आवरायदोँमोन
बेसेबा समायना नैबे फुंआव
फुंनि नैबे समाव-
आं गोजोनग्लायदोँमोन बारजोँ
जारौ साना आंखौ
– नायहरगासिनो दंमोन।
774
आय’ हाबाब मा एसे समायना
नैबे फुंआ!
फुंनि थमेन्नाय बिबारफोरा
बेसे समायना मिथिँगाया।
775
आं आरो खन्थाइखौ
आरोबाव फोजोबनो हालिया
आवरायगासिनो थायो आं
निजोराबादि बोहैयो गोरबोआव।
776
समायना नैबे समा
दाउसिननि रैसुमै देँखोआ
बोदोर जायो बारजोँ-
लैथोनि उनाव लैथोखौ बारलांनो।
777
सिमब्रे फैयो देँखोआ
जोमैनि बिरबायनाया,
मिनिसुलु आं।