बारबोदोँ मोसाना बार
बिफां-लाइफां मोसाफायो।
906
मेंग्लियो आं
रेबगननि हांखोजोँ खारनानै
थाद’यो जोबथानायाव।
907
बेनो रैसुमै
खोनानाय खोमायाव
आंनि दर्खँआव।
908
बाज्लयो
बे फुंनि मिनिनायाव
आं खुसियाव।
909
बे लामायाव
दालाइ-बिलाइ बिफांआव
नुयो दाउसिन।
910
समायना
मोकथांखोर
नैबे गोजोन फोथाराव।
911
थाङो आं
दानो फैफिनो नैबेयाव
जोमैनिफ्राय बिरबोनानै।
912
खुसिया थाङो
गोमायो
बाराव खोलो खोलो गेजेराव।
913
थरथिँसे निहोरा
आंजोँ मिनिदेरो
मुला बिलाइयाव लाजियो गोबानानै।
914
सान गोरलै जारौ
नायहरो आंखौ
औवा बिजौ आज्लंनानै।
915
अन्थाइजोँ अन्थाइ
गोबालायदोँ लामायाव
आं नुयो जोथ्रोदनानै बेयाव।
916
उखुन्दै खुदोँ दै
नैबे फुंआव
गोजोँ गोगो बाल्थिँआव।
917
गिर गिर जारौ
गय दनायखंनि अर
दुंबुर मिनिनाय बिलिरनाय आंखौ।
918
अ’ समायना
नैबे फुंआ
आबिर गादोँ गाब मिथिँगायाव महर।
919
फै बिखायाव
गोसोआव फै सान्नाया
गोजोनखौ लेँहरबाय बेयाव गसाइ।
920
ब्लिँ ब्लिँ जोँदोँ
बे मोनाबिलियाव लाइटजोँ
सहर लामानि बाला सेरेप।
922
खिबुनि लानजाइखौ सोमाव सोमाव
बोदोर सात बाहायमोनहा
गावजोँगाव जंखायलायदोँ
साखाथि दालाय मोनसेयाव
फाख्रि गोबोर लादाया मोदोम दुंफादोँ।
923
मिनिनाय मोखांनि समायनायाव
गाब गाफैदोँ
नुब्ला गोजोँ आयनायाव।
924
रिथि रिथि निहोर
जोँखोल माखोल
मिनिदोँ मिनिसुलु फुंनि नारायाव।
925
मिनि गोजोन जिनिर गैयै
दाउदै बिबारनि मिनिनायाव
आंनि नागिरना मोना दुखु।
926
बे समाव आं नुयो
मावथि आफानि बाव होनाय
आयनि गुग्ला जावगारनाय।
927
गोजोँ मिनिनाय साननि
मिनिसुलु जारौ मोखांखौ
गावनि बिखुंजोँ जोमैया थाथेदोँ।
928
हाद्रिनि गेजेरजोँ
एब्रेलाङो मटर साइकेल
जोबोद अख्रा गाबनायजोँ।
929
सिउ सिउ खारनाय
मटरनि सिङाव थानानै
दाउसिनफोर बादिनायबादि अख्रांआव।
930
गुसुआ आंखौ गोबाबाय
जोबोद गोबाख्रबनायाव
नैबे मोनाबिलियाव।
931
निजोम थासारिया
बार थोबसे बाराखै
मोसानो बिफां लाइफांनि बिलाइया
थेनथदोँ दालाइआव दाउसिना।
932
नुनो मोनै बे हरा समायना
एम्फौ एनलानि गारांआव
हाथर्खिया मिनिस्लुनाय
बे हरा समायना।
933
नैबे फुंआव
जोँथि माथि निहोर
सनाथि माय नारा सा सा
फुद्रुन खुवा थेवबो समायना।
934
बे गाबनाया समायना
मोदै बोहैनायाव
दाहा गैया आंहा
बे गोजोन्नायाव।
935
नोँ समायना
आंनिफ्राय समायनासिन
आंनि गोसोनि खुसियाव
आंनि मोन्दांनायाव।
936
आंनि सोरगिदिँ
नुनाय नुयै मेगनजोँ आं
जिउ गोमाजानाय
निजोरा आरो बार खोलो बार।
937
हार्सिँ सिरि जानायाव
मा इसे गोदै नोँनि
नै दाउसिन मुसुरदाव मुसुरदाव
मानोबा बिरलाङो-
खंख्ला जायो गोसोआ।
938
सिमांखौ थाबैनो हमथा
नङाब्ला गोमागोन
गोसोखांनो हायैयाव।
939
जिउआ जोबोद गिलिर
हामख्रं गोसोनि सुबुंआ
जोबोद गोब्राब थिखोनो।
940
जेरैबो फुरहाबदोँ निहोर खुवा
सुहाबदोँ सोलेराव
नुयो सिखारना फुंआव।
941
हरै जुगु
ओरैहाय जुगु
फुंजानि फुंजानि दाउथु गाबबाय
खोनायो सिरि मोन्ना फुंआव।
942
मेंग्लिनाय महरनि गंस्रिनाय
बिफां बिलाइनि सावगारि
सोमखोर सोमखोर नैबे फुंआव।
943
हाबाब बे समायनाया
गोदान नुनायथार दिनै
गोजोन्नाय मोनबाय आं।
944
औवा थिखिनियाव
गां फुवारदोँ दाउस्रि
निहोर नांनाय गुसु फुंआव।
945
बे नुनाया मेगननि
मोकथां सोरांनि
नायनो मिनि गेवलां मिथिँगाया।
946
सोलेराव जिरायफैयो
मिनिजि निहोर
जानांगौ आं बिनिनो एब्रेनायाव गुसु।
947
जिउनि
बालाबगासे-
रोजाबनायाव
निजोरा बोहैयोब्ला?
948
जिउ बाथोननि
बिबार बारि
लांगोनानि दर्खँ बे
थांनाय-फैनायनि सुलुं।
949
जोँमानि दुंब्रुद बिलिरनायजोँ
मोदै हुगारदोँ लाइफांआ
गुसु बारनि खौरां
देमलो गुर्जाँ मोसादोँ।
950
नोङो बयनिबो गोजौआव
गावदां मिनिहरनानै
आंनि मोखां नायहरो।
951
थोर थोर गोजांनाय लानानै
आं लानो हाया जादोँ
गुसुनि सोलाय गुदुं नागिरनायाव
फुंनि दुंब्रुद सान्दुं सायदोँ आं।
952
आंनि सोलेरखौ नुनानै
दाउथुआ जुगुगु जंखायदोँ
फालोसे दाउस्रिया हाजि जंखायहरदोँ
मोदोमफुल गोमोनाव बानानै।
953
लाय लाफाया मोदोम हुगारबाय
हरनि हरसे निहोरजोँ दुगैनानै
जबा गलाबा थमेन थमेन मिनिबाय
सानजानि सानजोँ सोनाबनि थिँआ
मोदान्नाय मेगनाव नांफैबाय।
954
नोँनि जंखाय फैनाय
सिमां फेलेँनि नङा
बेयो मोजां मोन्नायसो
गोथौनिफ्राय गोथौसिनाव।
955
मिनिनाय गैयै हाथासि
मानो होनब्ला गोसोआ
नङा बे फेलेँआ फेलेँ नङा।
956
आं नुयो-
आसिजोँ एरलु एरलु
आयनि मायगाब अन्थाइ बिसिनाय
संग्रायाव मायरं लानानै।
957
सान दोबैलांनायखौ
नायहरो आं
समायना बेसेबा समायना।
958
बेरे फुंजानि
लुन लुन उखुन्दै खुहोनानै
नायहरो जोमै महरनि
बे गाबखौ
दाउसिन जरासेया सिँखावलांदोँ।
959
गोलावनिफ्राय गोलावसिन
खामख’नो हायै
मायहुंनिफ्राय जिगाब बखनानै
बुन्था सादोँ नांगौ जानाय।
960
दाउस्रि
उखुम मुदायाव मुसुरदोँ
देलाइस्रि महरनि।
961
बे हराव अखाफोरखौ फांथेनानै
अखा हालांबाय आय’
हायै हायै जोमैया थांफिनबाय।
962
गुसु जाबाय
आय’ गोजां बोथोराव
एब्रेसिनथारबाय गुसुआ
नै आय’ हर हर
963
खोमसि जाबाय मिनि मिनि
बे हरा आय’ दालाय
सिरि जहाब्बाय
964
अखा हाना थांनायाव
एम्फौआ रंजाफिनबाय
आय’ हरा लासै लासै दोबैबाय
965
आं गोजांदोँ
गुसुआ मेवथुयो
सिखारो आं अर नागिरना।
966
मेगननि समायना नुनायाव
सिरि बारआ मोसा होलाङो
समायना समायना बिलाइ।
967
गोसोआव गेलेनाय
जिउनि दैसा बोहैनायाव
गोजोन गोजोन आय’ आंदि।
968
निहोर गुसु निहोर
फ्रि फ्रि सोरांआव
अखाफोर आं नुहरो।
969
बेयो गोजोन आय’
जोबोद खुसि नोङो
रावबो गैयै हर गेजेराव।
970
मोले मोले खुवा
जमा जाफैदोँ
नैबे गयबारि सेर सेर
गामिनि।

Similar Posts

Leave a Reply

Your email address will not be published. Required fields are marked *