Or Bees, at Christmas show—
So fairy—so fictitious
The individuals do
Repealed from observation—
A Party that we knew—
More distant in an instant
Than Dawn in Timbuctoo.
नाथाय हाखो रायखसा बिखौ
गोरलैयैनो जोलुरबादि जोनानै खेबसेनो
मोनसे हाजोआव नांथा होनायसै।
982
अमाया आरोबाव सिखारफिन्नो हायाखिसै
जावलिया बोराया बानजोँ आरोबाव
मासे दान्थाल मैदेर हगारना होनायसै
मैदेरा होख्रावना बिखौ होसोबोबाय।
983
हाखो रायखसा बिखौ गोसायैनो
ओरैबादि खेबसे खाफालाव सौनायसैदि
मैदेरा जसोनानै मोनसे बेसेबा गोथौ
बियो थोरोबनाय हाखर जानायसै।
984
मैदेरा आरोबाव सिखारफिन्नो हायाखिसै
जेबो जाथारैनि अब्ला जावलिया बोराया
गावनो हाखो रायखसजोँ बुलायबाय
बियो खनले खनले हाखोखौ फेजेनबाय।
985
दानिया बिसोर ओरैबादि बुलायनो हमबायदि
अख्रांनि जोमैफोरा गल’ जयै नायफैबाय,
साहानिफ्राय बोहैनाय गोगो दैसाया
सिरि सिरि दलरै बोहैबाय।
986
खोलो खोलो बारनाय फुंनि बारा
बिफां-लाइफांआव गोबानानै थाबाय,
बेबादिनो जखायथाम सान आरो हर
बिसोर सानजा हालुराव दावहा नांबाय।
987
उनाव जावलिया बोराया मेंनानै
थैनायबादि दलरै थानायसै,
हाखोआ बिखौ आथिँआव हमनानै
फिउ गारहरनायसै अख्रां सायाव।
988
जावलिया बोराया दान्दिसे जोमैयाव नांथाना
जल्दब गोग्लैनायसै हायाव,
ज’ जानाय जोमैया ओजोँ-हजोँ
गोख्रैनो खारनो हमनायसै।
989
बिसोर गावजोँ गावनो सौग्राव लायनायाव
सोदोब जानायसै ग्रुम ग्रुम,
बे सोदोबखौनो गिनानै हाखोआ
जोबोद गोख्रै खारनो हमनायसै।
990
खारै खारैनो बियो मोनसे समाव
खोला हालुराव सफैनायसै,
जेब्ला फुर्णिमा जायो अब्लानो
बियो सिरिथाखौ नागिरनो हमबाय।
991
जेरैबो गिदिँबायनानै लामायाव जायखौनो मोनदोँ
बिखौनो जानायखौ नुनानै बयबो
खोला हालुरनि जिउ जुनारफोरा
लैथोआव खारनानै बारसोमनायसै।
992
गासै जिउआरिफ्रानो दैमा लैथोमाफोराव
थोर गिनानै थाखोमानो हमनायसै,
बिसोर दै सिं सिं दावनि हमबाय
मारुंआव गुदुं खुरना थाबाय।
993
बेबादिनो उखैनायखौ लानानै हाखोआ
जेरैबो गिदिँबायनो हमनायसै,
मोनसे थावनिफ्राय गुबुन मोनसे थावनि
हाखो रायखसा गिदिँबायनायसै।
994
हालो-दैलो बेसेबा बोसोरनिफ्रायनो
लैथोमानि नाफोरा फुंनि समाव
बाज्ल बाज्ल जेब्लाबो मोसायो
जिब-जुनारफोरा लैथोमा सेराव गेलेयो।
995
अखोरां बिरदाव बिरदाव बायदि दाउसिनफोरा
सुखुनि मिलौहाब मेथाइ रोजाबना
फिन लैथोमा सेराव बाग्लायफिनो
फेँगुण दाउसिनफोरा बरपआव गेलेयो।
996
बेसेबा समायना गोजोन सोमोनां
लैथोमानि मासे देरसिन गोलेरा
थरसे गिदिर अन्थायाव जिरायना नायहरो
गुस्थि गाला जानानै मिनिस्लु जायो।
997
बेबादिनो जिउनि आबुं गोजोन्नायखौ
जोनोमनि उननिफ्रायनो मोनबोदोँ बियो,
दुखु गैया दाहा गैया
दाउसिनफोरनि मिलौहाब मेथाइजोँ सानखौ बारहोहरदोँ।
998
सानसेखालि बेबादिनो समायना
सिगांनिबादिनो बियो नायहरगासिनो दं,
हाखो रायखसा बिखौ नुहरनानै
बिनि खाथियाव फैनानै गसंफैबाय।
999
मिनिस्लु आरो गिदिर गारांजोँ बुंबाय-
”नै बाहाय दुखु दाजालै मिथिबाय,
जिउनि थाखाय एसेबो दुखुदाजा
नोँखौ मुलुगनि देरसिन दुखुथियाबादि नुदोँ।
1000
नै बाहाय खोनादोँना खोनायाखै
दिनै आं ओरैबादि उखैनाय मोनदोँदि
थारैनो नोङो आंनि उखैनायखौ
गोरलैयैनो सुफुंना होनो हाथारगोन।”
1001
गोदो गोदो गोजोन्नायाव थाहाबनानै
जेबो फिन्नाय होआखिसै गोलेरा,
होनबा हाखो रायखसा बिखौ
जोगासिनो जोनानै लैथोआव खुन्थेँ होनायसै।
1002
दान्दिसे उनाव गोलेरा लैथोमानिफ्राय
लासै लासैयैनो सिखारफिन्नायसै,
मिनिनानै आरोबाव बेबादिनो जोनानै
खुन्थेँ होबावबाय हाखो रायखसा।