There can no Outer Wine
So royally intoxicate
As that diviner Brand
The Soul achieves—Herself—
To drink—or set away
For Visitor—Or Sacrament—
‘Tis not of Holiday
To stimulate a Man
Who hath the Ample Rhine
Within his Closet—Best you can
Exhale in offering.
मोदोम सोमावना मेथाइयाव,
खारलाङो गुसु सोलेरा दुंनायाव।
384
रिथि रिथाव लाइथनि सोरां
ख्लाब ख्लिब मोदानो मेगनाव
साजायनाय जौसां फेन्डेलनि सोरगिदिँ।
385
सोरां सारनाय इलेकट्रिकनि सोरांजोँ
समायना नुदोँ खुवा सोरांनि समाव,
दालाय बिलाइ मोसानाय
स्राय स्राय बारजोँ।
386
मैखि खानाय मेगनाव
बिलिरै बिलिरै फुंथाराव
थाबायो लामायाव गुसु बोजबनानै।
387
सानस्रि गोरबोआव गोजोमनानै
हान्थियो सिरि सिरि हान्थियाव,
सौफैयो देरायाव जोमैजोँ-
जावबायनानै।
388
मोख्रेबनाय दाउसा मोख्रेबनि मेगनजोँ
थरथिँ थरथिँ गसरदोँ दाखासे मोदै,
थ्रोद जोथ्रोदना फोजादोँ मोसौआ
आरोबाव लाजिस्लु गंस्रियो दिनैनि गुसु फुंआव।
389
गोरबोआव रंजानाय आंनि,
मेगनाव सावगारि मुहिनाय;
मोसायो गोसोआ बारजोँ स्राय स्राय।
390
थाबायो लामायाव मोसायो
रंजायो गोसोआव सानस्रियो,
जोमै बिरबायो मिथिँगायाव।
391
फुंथाराव सिखारो आं
गुसु देहायाव बोजबनानै,
दिनै नुजानाय जोँमा सोरांखौ
खुलुमो खेबसे गोसो गोथारै।
392
आं थाबायो आगान होनानै
नायहरो गोसोजोँ सानहरै-
बिरबायै बिरबायै अखोरां बिखाजोँ
मोसायो आंनि सानस्रि गोरबोआव।
393
दिनै गेदेमा गोथार जथुम्मायाव
साजायो गावखौ बाहागोआव,
जायाखै गोसो होनाय खोमायाव
मुखुब थाबाय खामानियाव।
394
गुसु आरो बार
गोबादोँ आंनि सोलेरखौ
हायाखै दान्दिसे बुरखायनो
नाख्रेब जादोँ बारजोँ।
395
मेगन मोदै हरफा थांबाय
दिनै थेनथ’दोँ मानोबा
खामानि जोबनाय जिरन समाव।
396
हाद्रि लामायाव दै थरथिँसे
मुखुबथियाव आं सारस्रिबावो,
सिदोब सिदोब मेगनाव
दान्दिसे ज्रिँ रानलाङो सान्दोँजोँ।
397
आथिँआ मेँग्लिबाय दिनै
थाबायै थाबायै मुखुबथियाव,
थाबाय थायाखै गोसोआ अब्लाबो;
दं मुखुबथियाव सानबायै।
398
जोँमा साना ओँखार बोयो
नेना थानाय दिनै गुसु फुंआव
खुलुमहरो आं गोथार साजायना गोसोखौ
समायना आखाय खबजबै।
399
गोलोम हाबनाय सानफा देहाखौ
गोजोन होयो गुसु दैयाव,
बिदाय जोँमा सानखौ नायहरो।
400
बायना थांबाय दिनै
घोरोम जथुम सभाया,
बिदाय दिनै लोगो लोगो।
401
सहरनि लामायाव हार्सिँङै आं
थाबायदोँ गोदाव- सोराव महराव
– नायहरो दखानदार बाबुआ
मा नांगौ होनना बियो सोँहरो।
402
जोमैया बेँखनदोँ अखाफोर
नायहरदोँ सान्नानै अखा हागोन,
अखाफोरा जेन’ लाजिस्लु जादोँसो।
403
मा एसे समायना बिबार
मोदोमनाय गन्थंआव,
हायना मेगनाव बाहां बिरहां सिखिरि।
404
आं नुदोँ लामायाव
ज्रय ज्रय बारजोँ बैग्रि सिरिदोँ,
खाथियाव नुबाय सासे आयजोआ खनसायदोँ।
405
बिबारनि मोनामनाया गन्थंआव बिलिरो
नागिरो आं मेगनजोँ,
सिखिरिया दिन्थियो मोसा मोसा।
406
साना लासैनो दोबैलाङो
नायहरो सोनाब फारसे-
बिरलाङो मेगननि लामाजोँ दाउसिनफोर।
407
दिनै फिरिगासे अखा जोमैनि
दोमैलु बोथोर अखा नागारनायनि,
जेब्ला कलेज फारसे आगान होयो
सिरि सिरि बार गोजांस्रिउ।
408
नायहरो आं लामायाव
उन्दुसोदोँ दान्दिसे हाद्रिया,
नायहरो आं बिफांफोरखौ
मोदै हुगारदोँ दान्दिसे खुसियाव।
409
निहोरा मिनिबाला बाला
गोबाथुमदोँ दुब्रि बिलाइ,
जोँथि माथि उन्दै हिराफोरसो
रंजायो आं गुसु बिलिरनानै।
410
ओँखारनाय साननि जारां फुं
गुसु गोरबोआव आं सानो
जोबथा मेगन मुहिना।
411
अखाया गोग्लैदोँ जेबो
फोथारनि बिखाव मोसादोँ
गोजोँ दैज्लांनि जेन’ निजोरा।
412
खोमसि आंनि नै खथा
मोले बाथिनि सोरां,
जोबनोसै एसेल’ थावआ।
413
अखा खोरोमदोँ अख्रां
मेगनजोँ आं नुयो दान्दिसे अखा
समायना बाराव बिफां मोसायो।
414
नाथाय सिरि मेगनाव
फरायनाय गोसो बिलाइयाव
रिङाखै जेबो अख्रांआव।
415
ओलैस्रो आं दावबायनायाव
जेबो समायना आंनि आगाना
अखाफोर सोरां लामायाव।
416
आङो मिथिँगानि समायनाखौ नायगोमोयो,
बिफां दालाइनि दाउसिनफोरा आंखौ;
आं गोजोन्नाय मोनो।
417
आङो अनजालिनि सेर सेर थाबायो,
दाउसिनफोरा जंखायो,
खानाय बिलाइ, बारआ बिरहोयो
आङो अनजालिखौ समायनासिन नुयो।
418
जोबोद हाथासि गोसोयै
खामानिखौ मावदोँ आं,
मोसा फैयो जरासे दाउसिनना;
बिरलाङो हाथासि आंनि सानस्रि- महरा।
419
गुसु गुसु आखायखौ अराव
जोँ बयबो हाङो,
गोजांनि गुसु निहोर हगारहरना
अखाफोरा मिनिसुलु नायहरो,
अखाफोरनि फिसा मिथिँगाया
जु जु बिनि आहारखौ सोबो,
नायै नायै आबैया सल’ खिन्थायो।
420
ओँखाम गुफुद आयआ साद्लानाय
समायना सिलायाव-
दाउस्रिफोरा खनजादोँ,
गावजोँगाव आदार दौलायदोँ।
421
गोदोना सोमाव सोमाव
गय बिफांफोरा मोसादोँ,
मेगन फिदिँ फिदिँ जोमैया नायदोँ;
आं गोमोहाबदोँ।
422
आं गोसो खाङो
उन्दै समखौ,
आयनि मिनिसुलु ओँखार दौनायखौ,
आं गोसो खाङो।
423
अख्रांआव दाउसिनफोरा बिरबायदोँ
उन्दै बिफांनि दालाइयाव फालोसे,
गोजोनो आं समायना।
424
आंनि मेगनखौ बोलांदोँ
आंनि गोसोआबो थाङो-
रैसुमै दाउनि गारां।
425
आं आर’ज गाबो
आर’ज गाबनो मोजां मोनो,
नुवाखै परम ब्रह्मखौ।
426
आयनानि गोरबोआव
आं गावनो नायो मोखांखौ,
मोन्दाङो सुखु दुखु-
गोजोन्नाय दं इयुननि।
427
बिलाइनि ज्राव ज्राव सिरिनायाव
आं मिनिदोँमोन,
दुखु हुरागासे बिलाइ खिलियैआव।
428
जोँमानि मिनिस्लुनायाव
थाबथा फैयो मोखांआव,
आंखौ रंजा होयो।
429
आं गाबो-
नैबे खोमसियाव,
सोरांखौ नुहरो अब्लाबो
सोरां नेनांनानै।