Her annual secret keeps!
A Lady white, within the Field
In placid Lily sleeps!
The tidy Breezes, with their Brooms—
Sweep vale—and hill—and tree!
Prithee, My pretty Housewives!
Who may expected be?
The Neighbors do not yet suspect!
The Woods exchange a smile!
Orchard, and Buttercup, and Bird—
In such a little while!
And yet, how still the Landscape stands!
How nonchalant the Hedge!
As if the ‘Resurrection’
Were nothing very strange!
अखाया दावराइनि सेराव फैबाय।
दावराइया जोबोद बाखोनायनानै
अखानो गोबां साबायखर होबाय।
75
अरननि जिब-जुनारफोर
बयबो खारबोनानै गोबाख्रब फैबाय।
अखाया मैदेर बिखुंआव गाखोबाय
रंजाबाय अरननि दंनाय एम्फौ-एनला।
76
दाउसिनमोना देरहानायनि मेथाइ खनबाय
रोजा रोजा जिउ-जिबिया।
अरननि अखाखौ राजा सायखबाय
बयबो खौसेथिनि मेथाइ रोजाब्बाय।
77
दाउराइ जोलाया खुसि जाबाय
दाउसिनमोना मोसाबाय बयबो।
अखाखौ देरहासाथ जोहोलाव बुंबाय
बोर सास्रिबाय अरननि गासैबो।
78
आलो गोजोन थांनानै थानो
दिनै गोरबोखौ फुवारबाय।
जिउखौ खुसियै दैदेनलांनो
दिनै खौसेथिखौ गायसनबाय।
79
बे अरननि गेजेराव
बयनिबो बोहैनाय गोरबोआव।
जोँ उदांआव गोजावबाय
जोँ उदांआव बिरबायबाय।
80
रायखसनि खुगानि गोजानाव
दिनै रंजानाय जाबाय।
रायखसनि अरनि सालाइनिफ्राय
दिनै बयबो रैखा जाबाय।
81
बयनिबो मेथाइजोँ बयबो रंजादोँ
रैसुमै घोरोम मेथाइयाव।
बयनिबो दिनै गोजोन जादोँ
बयनिबो जिउ उदां जानायाव।
82
बेबादि बेसेबा बोसोर उदां जाबाय
बे अरननि गासैबो खुसि।
दाउसिनखौ लानानै जुनार
जुनारनि थाखाय दाउसिन-दाउला।
83
थांनानै थायो अरना
जुनारनि जिउ खुसिनि थाखाय।
थांनानै थायो एम्फौ-एनला
अरननि बिफां-लाइफांनि थाखाय।
84
सानसेखालि खोलो खोलो बाराव
दाउराइ जोलाया सल’ खिन्थाबाय।
अखा जोहोलावआ खोनासंबाय
बियो सोनानै लाबाय गोसोआव।
85
दाउराइ जोलाया बुंबाय-
बेसेबा रोजा बोसोर जालांबाय।
थब्ल बिलोआव खांख्राय मासे दं
जिउ-जिबि खांख्राया फोजोबगासिनो दं।
86
थब्ल बिलोआव अरननि गासैबो
दै लोँनो जेब्लाबो थाङो।
खांख्राया बिसोरखौ अरथारो
बिसोरनि जिउखौ जमनो हरो।
87
बिनि थाखायनो अरननि गासैबो
थब्ल बिलोआव थांनो हालिया।
दै लोँहैनो गिसै बयबो
दै गांनायजोँ थैबाय जिबिया।
88
सानसेखालि थब्ल बिलोनि गासैबो
ना खासेवमोना लोगो जाबाय।
साम’ नाथुरमोना लोगो जाबाय
बिसोर देरहायाखिसै थेवबो।
89
रोजा रोजा ना थैबाय
बे बिलोआव ना गैलिया जाबाय।
बे बिलोआव नाथुर गैलिया
जिउ-जिबिया दै लोँहैनो हालिया।
90
बेखायनो बे रायखस खांख्रायखौ
नोँल’ बुथारनो हागोन सानबाय।
नोङो फोजोबथारनांगोन बे रायखसखौ
बेबादिनो अखाखौ दावराइया बुंबाय।
91
अखानायै मैदेरनि बिखुंआव गाखोनानै
अखाया साहस लानानै थांबाय।
मावरिया हाजो मोनसे बारलांनानै
अखाया थब्ल बिलोआव सहैबाय।
92
अखाया थब्ल बिलोआव अन्थाइ खुबैनायसै
मोनसे गिलु-बालु दोहौ सिखांनायसै।
खांख्राय रायखसा अन्थाइखौ बारसिनबाय
बिनि उनाव बोरियाव गाखोबाय।
93
अखाखौ मेगन फेदेरना नायबाय
उनाव गोर गोर होसोनायसै।
अखाया बिजोँ खेलायबाय
खांख्राया आरोबाव जोँखावनायसै।
94
अखाया बिखौ जंखायना खारबाय
रायखसा गोख्रै होबाय।
बिनि उनाव अखाया बंफांआव गाखोनायसै
रायखसा बंफांखौ खेबसनायसै।
95
आरोबाव अखाया खारबाय
रायखसा खेबथारनो होसोबाय बियो।
बिसोर सानैजोँ बुलायबाय
खांख्राया रागा अखाया मिनियो।
96
उनाव खांख्राया अखाखौ खेब्बाय
अखानि सोलेरनिफ्राय थै ओँखारो।
खांख्राया खेबथारनो नाजाथारो
अखाया बांसिन बोलो होबाय।
97
बियो बांसिन रागा जोँबाय
रायखसनि आसिखौ सिफायबाय।
बिनि उनाव दाबुखौ मस्रायो
जमा बिसोरखौ नायफैयो।
98
सोर्गोनि सिख्लाफोरा नायहरो
अख्रांनि जोमैफोरा नायहरो।
सोरगिदिँ बिफां-लाइफांआ
खबाम गोनां दामो आफा।
99
अखाया रायखसनि दाबुखौ सिफायबाय
बिनि गोदोनाखौ थबस्र बसबाय।
खांख्रायनि खर’खौ अन्थाइजोँ देख्रुबनायसै
खांख्रायनि जिउखौ जमा लांनायसै।
100
खांख्रायनि थैया दैसा बोहैबाय
बेयाव बेलाव गोजोमफैबाय।
बे दैसानि मुंखौनो
खांख्राय दैसा बुंनाय जाबाय।
101
अख्रांनिफ्राय जुब जुब अखा हाबाय
सोरगिदिँ जायख्लं नुजाबाय।
सोर्गोनि सिख्लामोना रंजाबाय
अखानि सोलेराव बिबार सिरिबाय।
101
अखाबो बयबो बाखोनायनायसै
अरननि जिउ-जिबिया खारबोबाय।
गासैबो थब्ल बिलोआव बारसोमबाय
सुखुनि मेथाइ रोजाबनायसै।
102
अरननि दाउसिना बिरग्लांबाय
हांसो सिलारिया सानस्रिबाय।
जुनारा बयबो दै लोँनायसै
अरनाव बिबार बारग्लांनायसै।