One must to thine Artillery
Have left exposed a Friend—
Than thine old Arrow is a Shot
Delivered straighter to the Heart
The leaving Love behind.
Not for itself, the Dust is shy,
But, enemy, Beloved be
Thy Batteries divorce.
Fight sternly in a Dying eye
Two Armies, Love and Certainty
And Love and the Reverse.
मोनाबिलिया फैबाय
लासैनो खोमसि जाबोबाय।
832
हब्रा हब्रा गाबो गोसोआ
गोरबोनिफ्राय गोरबोआव
नाथाय रंजायो आं
गोजोँ हाथर्खिया नुजाबोबाय
बुहुमखौ सोरां होनो।
833
मैया आं जेसेबां रंजादोँ
दिनै बांसिन रंजानो हादोँ
गाबोन बांसिन रंजागोन।
834
मिनिनायखौ दाउसिना लाबोदोँ
देँखो बोनो होदोँ मिथिँगाया
खन्थाइ लिरो दैसाखौ।
835
दामोलसे जिगाबनिफ्राय उखुन्दै खुदोँ
जोँमा साना दा दा नायहरदोँ
गोमोथाव नायहरो आंबो।
836
सिब्राबनाय मटरनि खोरखिजोँ
खारसन फैदोँ बार
स्रो स्रो मोदोमाव।
837
जोबोद गोजोन्नाय मोन्दोँ
बायदि खबामनि-
बायदि बायदि सानस्रिनि खन्थाइ।
838
बिजाबनि मेला
आंनि गोसोखौ बोदोँमोन
नांगौ बिजाबखौ आङो खनसायदोँ।
839
गोसोआ मेंङाखै आगानाव
सोलेरा मेँग्लिदोँ उखैनायाव
अब्लाबो आं सफैदोँ।
840
सनाथि माय दुब्लियाव
सनाथि माय नारा
समायना नुहरो मोसौ फालो।
841
जोबोद गुसु
जोबोद गोलाव हर
दा गैलिया।
842
जेबो गैया गोसोआव
जेब्ला उन्दुलाङो आं
बारा खोलो बिलिरफैयोब्ला।
843
गुसुआ बिलिर फैयो
मोनाबिलिनि सिगां सिगां
गुसु गुसु सुदेम।
844
बिजाब फरायना आं मेंदोँमोन
दाउसिन मासेया रोजाबो
बेयावनो आंनि मेँनाय सिरियो।
845
सोनाब दुब्लिनि रुगुंआव
दाउसिनफोरा बिरलाङो
गोख्रैनिफ्राय गोख्रैसिन।
846
खोरखिनि फर्दाखौ बोला फैनाय
आंखौबो गोजोन होदोँ
सुदेम गुसु फुंनि बार।
847
जेरैबो दाउथुनि रोजाबनाय
साना जौखोनाय समाव
मेँरुनाय समनि आगोल।
848
मेथाइ मेथाइ मेथाइ
रिङो आंनि खोमायाव
रैसुमै गोदै।
849
गोसोनि बिलाइ गोरलै
रोदोमै रोदोमै
सुदेम बारजोँ मोसायो।
850
खोलो खोलो बारजोँ
आलो आलो मोसानाय बिफांखौ
लामायाव गसंनाय आं नुयो।
851
गोजोन गोजोन बार गोरबोआव
फुंनि गोजोन बार
गोजोनसिन खालामो गोसोखौ।
852
गोसोनि मेगनाव गेवलां बिबार
बायदि समायना
गोसोनि गोजोन बारियाव।
853
मेगनजोँ नुनाय बिबारा
लाजिदोँ आंनि नोजोराव
मिनिसुलु मिनिसुलु।
854
दुब्लिनि गोथां बेसर थिलियाव
मासे मोसौ फिसाया फेख्रायदोँ
जोबोद खुसिजोँ।
855
सनाथि माय नाराजोँ
सना गाबनि सान
समायना नुयो मोनाबिलि।
856
आं गोसो जायो
जिरायनो
नैबे सायायाव
रैसुमै दाउसिननि सुफिन।
857
सानजानि मोदान्नाय साना
दा दा मिनिहरो
आं लाजियो मिनिहरनो।
858
गोमो जारौ महरजोँ
अखाफोरा आंखौ नायहरो
आज्लं आज्लं औवा बागान।
859
गुसु गुसुसिन हराव
मोखांजोँ मोखां बायजोआव
अखाफोर आरो आं।
860
निहोर आरो आं
साननि रोदाया गेजेराव
गोजोँ मिनिनाय।
861
बिसोर बिरबोयो
खुसियै आं नायहरो
आं होसोलाङो।
862
थिँ थिँ गोमोथिँ एम्फौ
जोबोद रोजाबनाय हराव
आं उन्दुलाङो गोजोनै।
863
गोसोआव फैनाय मेथाइखौ
देँखो होयो गोरबोआ
गोजोन मोन्नाय रिँनायखौ।
864
फुंनि गोथार गुसुखौ
बोजबो गोजोन मोनै गोसोआ
रोफै रोफै बार।
865
गोजोन गोजोन बिरलाङो
गोजोन गोजोन फैफिनो
सोमखोर अख्रांखौ बिलिरना।
866
बिरदावनाय गोसोआ
बाग्लायो फिन
मेँग्लिहाबो सोलेरा।
867
हांगार गोसोम हराव
खोनायो दाउनि गारां
मोना महराव।
868
आं मिनिसुलु
रंजालु गोसोआव
मिथिँगाया रंजायो।
869
बिसोर आफा खबो
रोफै रोफै बारजोँ
बेलासि रैरुब बारआव।
870
बिलाइआव गोबानानै
मिनिजि मिनिदोँ
सुदेम निहोर फुंआव।
871
ख्लाब-ख्लिब मोदानो
बिलिफां बिलिफां
अखाफोरनि सोरांजोँ बाला सेरेप।
872
आं नायहरो
थिँ थिँ सान्दुंनि लामाजोँ
मिनिसुलु गंस्रिनाय
बिफां-लाइफां।
873
दान्दिसे बाज्ल’दोँ
आरोबाव
रंजादोँ आं रंजानायनि खुसियाव।
874
गुसुआव आगान
लामायाव
दा बिलिफां बिलिफां
ख्लाब-ख्लिब आर्टिँ।
875
सोरांसि सोरांसि
आरो सोरांनि फुंबिलियाव
आं खेबसे मिनियो।
876
लामायाव मिनिस्लुना
आं नुयो
दंफांजोँ दंफां आयनायाव नायदोँ।
877
बिफांनि दालाइआव
दाउस्रिया दाउस्रिखौ
मुसुर मुसुर जंखायदोँ।
878
लामायाव बिफां-लाइफांआ
नायहरो-
आखाय सोमाव सोमाव।
879
सनाथि माय बारियाव
फालोसे माय हानाय
आं नायहरो-
बिसोर गंस्रो गंस्रो समाव।
880
मिथिँगानि गेजेराव
मिथिँगानि बाराव
नैबे देरायाव आं
गाबो रंजायोबो।
881
मिजिँनि हाबिलासआव
गाबो गोसोआ
फेलेँआव-मेंग्लिनायाव।
882
मिनि मिनि
अखाया हायो
बिसोर मोसादोँ
नैबे समाव आं नुयो।
883
जोबोद गुसुआ
उसु-खुथुआव
उन्दु होयो नैबेयाव।
884
आंनि थाबायनायाव
गुसुआ बिरबोयो-
बिलिरो सुदेम सुदेम।
885
सिरि सिरि बार
बिलाइ मोसाहोयो
गेवलां बिबार दालाइआव।
886
नायगासे नायनायाव
आं मिथिँगाजोँ
गोजोँ रंजायो।
887
फैलाव अख्रांआव
गैया नायनायाव जोमै
दा सोमखोर गोथां।
888
अखाजोँ गेब्लेयो हाद्रिया
हाब्रु जादोँ लामाया
माख्ला-माख्लि।
889
सान्दुं आंनि खर’आव
दुंबुर बिलिरो
दुंबुर दुंबुर फुंआव।
890
मिनि खैरो मिनिनायाव
खेबसे आंनि रंजानायाव
बे खुसि बे गोजोन।
891
दैस्लुं थानाय सिलायाव
आं नुयो आंनि महर
नैबे साननि मिनिनायाव।
892
गोथां बिलाइ
मोकथांखोर मिथिँगायाव
लामायाव नायगोमोयो समायनायाव।
893
फौ फौ सैमा सोङो
नैबे गुसु हराव
हरा हर गेजेर सम।
894
आं सिरि मोनो
नुनो मोनैयाव
जुगु जुगु दाउथुआ रोजाबो।
895
थरथिँ थरथिँ मिनि
जोँथि माथि निहोर
बिफां-बिलाइयाव समायना।
896
दोमैलु सुदेम
गुसु बुब्लिया
आं थांलाय-फैलाय गोसोआव।
897
साना थाखोमाबाय
नुहरै थानाव
नायहरो आज्लङो आं नुवा।
898
रैसुमै रोजाबनाय
बारनि रोमै रोमै-
नुवा खोमसियाव।
899
आं गोसोआव बोयो
मिनिस्लु आयनि सावगारि
आं मिनिदेरो।
900
बे गुसु हराव
थरथिँ थरथिँ निहोर
थिँनि बिखुंआव अख्रांनि।
901
सिमां बादि नुनाय
गेवलां बार बिबार
बियो साया माया।
902
दाउस्रिनि दालाइआव
बाद’ हैयो गोसोआ
औवा दालाइ थिखिनियाव।
903
बिसोर आंखौ रायदावो
आं रायलायो
गुसुथि गाला मिनिलायो।
904
रेबजानाय लेखा बिलाइआव
आसि बिजौनि सायखं
मोसायो मेगनाव।