Preferred against the Mind
By—Paradox—the Mind itself—
Presuming it to lead
Quite Opposite—How Complicate
The Discipline of Man—
Compelling Him to Choose Himself
His Preappointed Pain—
बेसेबा गोरोबलायनाय खुसि,
बेबादिनो थाबायनानै बिसोर सफैदोँमोन
मेसेँआ गोबानाय अरन बारियाव।
911
जोबोद गोरान अरन गेजेराव दरलेया
बेन्दोँ आरो बिफांआव बिलिरना आखायजोँ
समायना रमायना सोमखोर खालामदोँ
सोर्गोबादि बिबार महर होदोँमोन।
912
थेख्लआ जेसेबां सिगांजोँ नायहरो
बियो एसेबांनो गोरान नुयो,
जेब्ला बियो उनथिँ नायहरो
अब्ला बियो सोर्गोबादि समायना नुदोँमोन।
913
खोलो खोलो बाराव बिफां-लाइफांआ
बेसेबा हालो-दैलो मोसादोँ,
बाहां बिरहां बेरे सिखिरिया
जेरैबो बिबारनि सेरसेर आगर एरदोँ।
914
दरलेया लामा थारैनो थेख्लनो
बिमानि सोमोन्दै खिन्थाना होबाय,
बिबारिया सिरिथानि फिसामोन
सिरिथाया सासे दाउराइनि फिसाजोमोन।
915
बिबारिया थाबायनो हायैबादि बुरैबाय
बियो अरन फलानजोँ जुलि जादोँ,
फलान गाहायनि मुंआ लरग’
बियो जोबोद आखाय गोथोँ।
916
दरलेया थेख्लखौ लानानै
अरनखौ गिदिँनो हमबाय,
मोनसे समाव बिसोर थाबायै थाबायै
बिमा बिबारिनि सेराव सफैबाय।
917
बिबारिया थेख्लखौ नुनानै गोमोबाय
उनाव बियो जोबोद खुसि जाबाय,
गोसोनि रंजानायजोँ बाज्लखांना
थेख्लखौ बरायना जिरायनो होबाय।
918
आरोबाव फलानफोरा फैनानै
थेख्लखौ बयबो बेँखन्ना नायफैबाय,
बिसोर बयबो खुगा सिहं जाबाय
बिसोरनि सान्नायफोर आवबा जानायसै।
919
बिसोर गोसोजोँ बयबो सानदोँबोदि
थेख्लआ दैयाव गोदोना थैबाय,
बियो गोलेरनि खाजा जाबाय
नङाबा बिखौ दैया फोजाव लांबाय।
920
गावसोरनि सान्नाया फेलेँ जानायाव
बिसोरनि गुस्थिया लद्राय लद्राय जाबाय,
आरो खुगाया सिहं जाबाय
बिसोर बांसिन गोमोनायसै।
920
फलानफ्रा गावजोँगाव सावरायलायनो हमबाय
बिसोर थेख्लखौ जोहोलाव होन्नानै
खोमा खोमा बुंथि लायबाय
बिसोर थेख्लखौ जोहोलाव बुंबाय।
921
बेबादिनो जोँमा साना सोनाबहा
लासै लासै हाजोआव थाखोमा हैबाय,
दाउसिन दाउलाफोर गावसोरनि बासा
जिब-जुनारफोरा गावसोरनि खुलियाव थाबाय।
922
सोरगिदिँ बुहुमा खोमसि जानाय लोगो लोगो
बयबो गावजोँगाव नुलायै जाबाय,
फलानफ्रा बुथुमना लाखानाय बन्थआव
अन्थाइ खुजाबना अर फोजोँनो हमबाय।
923
बिसोर बयबो अरखौ बेँखन्ना
सोरगिदिँ आखाय हांनो हमबाय,
अरा सालाइ फिलन फिलन
जोबोद खुसिजोँ मोसानो हमबाय।
924
दुलाराइ बयबो सिरि थानो हमबाय
बुरै बिबारिया बुंनो हमबाय-
”जोबोद समायना अरन बियो
बे अरनानो जोँनि न’ अरायनि।
925
फिथाइ सामथाइनि आंखाल गैया
दाउसिन दाउलानि सान हर मेथाइ,
जिब-जुनारनि खुलि बियो
बेसेबा मिलौहाब दै बाज्रुमनाय।
926
सोमखोर समायना आरो गोजोन बार
बे अरननि मिथिँगाया अरायबो,
फैलाव अखोरांआव जेब्लाबो
बायदि बायदि गाबनि महर।
927
जोबोद गोजोन आरो गोथार
फुंनि सुदेम आलायारननि बार,
नागारलांनो बाथाव बे मुलुग
नाथाय सानसे नागारलांगोन बयबो।
928
नै फिसाफोर आरो आंनिनो फिसौफोर
जोँ दान्दिसेनिल’ जिउ गोनां,
देहा सोलाय सोलाय जोँनि जिउ
जोँनि जिउआ बेबादिनो गिदिङो।
929
बे मुलुगनि मिथिँगानि खान्थिया
बेबादिनो बैसोनि गान्थि खानाय,
फाला बदल जेब्लाबो जामनो रोङै
अराय गुस्लायसुलि मिथिँगाया।
930
दिनै जोँनि जिउआ मानसिनि रुब
बिनि उनाव जागोन जुनार,
सोर बुंनो हायो जिउआ
बबेहाय थाङो आरो मा जायो?
931
जिउआ थैनाय गैया थैया
जिबमानिया नाथाय अराय थैसुला,
बेखायनो फिसाफोर जोँ थांना थासान्दि
बयबो जानाया गाहाम अनसुला।
932
जिबखौ मदद होनांगोन जोँ
गावजोँगाव अनसाय लायनांगोन बयबो,
बे अरनखौ रैखा खालामनांगोन
बे अरनानो जोँनि जोलैनि न’।
933
फिसाफोर गोसोआव अरायबो ला
बे मिथिँगाया जोबोद सिबिजाथाव,
मुलुगनि गासैबो समानै अनजाथाव
जोँ मुलुगाव अरायबो थानांगोन।”