Become so wondrous dear—
As for the lost we grapple
Tho’ all the rest are here—
In broken mathematics
We estimate our prize
Vast—in its fading ration
To our penurious eyes!
मै अमा मोसानि खुलियाव
नायदाव नायदाव थुख्लायै आं
गाखोदोँमोन दाउस्रि
हाजेनि बासा
89.
गोथां सोमखोर साल दंफांनि दालायाव
समायना दाउसेननि बासा
आयै आं अननाय गैयै
अरनि सालायाव हांगार खालामदोँ
90.
गावनि इयुनखौ मिथि रोङै
गिथाव अरनाव सिखार खालामदोँ
आयै आंनि अनसुलि बिमा
91.
मोनबाय आंनो बानगासे साजा
अनसुलि अननाय गोदै
नोँनि हेँथायाव
मेगन मोदै बोहैलांनाय जिउआव
92.
जिउनि सोरां फुंआ बाबेननायाव
आयै आं नुबाय नोँखौ हाथासि-
थुरि न’नि गिजि देरायाव
93.
अखा थरथिँनाय दैज्लां बोथोराव
रैरुब मिजिँ गोरबोनि
सानस्रिख’ हायै दिनैनि
बुहुमाव
94.
सोरांसि फुंबिलि समाव
मोले लेमनि सोरांजोँ
नुबाय बिथ’राइ बिजाबनि बिलाइआव
95.
मेगननि हांखो सिनायनायाव
आयै आं सानस्रिनो लुबैयो
सोदोबनि गोथौ लैथोखौ
96.
सांग्रेमा बिरनाय खोमसि हराव
अखाफोर थैहाबनाय
अमाबस्या हराव
साथि लेम आरो
बनजारनि सोरांजोँ-
97.
फैबाय आं दिनै बारनबोबाय
उथ्रियै उथ्रियै दिनैनि
मोनसे लैथोनि मारुंआव
98.
आयै अनसुलि बिमा आंनि
दंबावो आयै नोँहा-
बारहोनो आंखौ लैथो
थुलुंगा आरो लोरगिनि बेसेन
99.
सोलोँथाइनि गोखा रोदाजोँ
बिखा फोर्दानै आं दिनै-
लामा आगान सुरदोँ
गोथौ लैथोखौ बारनो
साहस बुथुमदोँ
100.
आयै आंनि अनसुलि नोँ
नोँनि अननाय फेदेरनायजोँ
गुवार अरबार गोरबोआ आंनि
गोलाव लावबाय आयथिँ थोँनैया
101.
मिथिया थेवबो-
मिथिया आयै आं
जोनोमा आंनि फैफिनगोन हरै-
गोदानै सोरनि गोरबोआव?
102.
आयै सोलोँबाय आङो नोँनि गोदै रावखौ
थांगोन-
थांनानै थाजानो लुबैयो
हां बोस्राजासिम बेखौ
103.
बे उजिनि फैलाव बुहुमाव
आयै आं हास्थायो नोँनिनो
आरोबाव अननाय
104.
नाङा आयै आंनो
फरायनो हाथावै खोमसि
नोँनि मोखांनि गोग्लैनाय सायखं
105.
आयै आं लुबैयो नोँनि
आखाय ख्रब ख्रब
दामना मोसानाय बैसागु बोथोरनि
106.
बे फैलाव बुहुमनि
गोथां मिथिँगायाव
नाङा आयै आंनि मोखांआव
दुखुनि गोरान मिनिनाय
107.
आयै आंनि अरायबोनि
हास्थायो गोजोँ नोँनि- मिनिबाला खुसिखौ
108.
आब्रा नेथ’ हायै समा
लेँहरदोँ आयै आंखौ-
थिना दोन आयै आंनो
नांगौमानि गोर्बोनि नाजानायाव मदद
109.
आयै आंनि अनसुलि नोँ
आद्रा जानाय लेखा बिलाइयाव
दंबावो आंहा मेगन खोख्लैनो
110.
आयै नोँ साथि आंनि
दुंहाव जुननि दानआव
नांगौ आयै आंनो नोँनि
सिबनाय गुसु बार
111.
आयै नोँ आंनि अरायनि-
जिउनि जोनोमनि-
थांना थानाय मोकथांनि-
112.
आंनि अनसुलि आयै नोँ
आंनि गोर्बोआ नोँनाव
अराय थागोन
नै आयै सब्ला आंहा सानसेदि
मोजां साना फैगोन
113.
गासिबो मोजां सानखांनाय
हो आयै आंनो-
दावगागोन बेजोँनो थुलुंगा नोँनिजोँ
114.
मायाथिलि संसाराव
आयै आंलाइ नोँनि
अननाय मागियो
अरायबो जिउनि जिउआव
115.
नोँखौ गोजानाव गारबोना
थायो आं आयै
दिदोम मिनिनाय गैयै दुखुआव
116.
नाथाय हान्थिनांगौ जेरैब्लाबो
गोजोन देरासिम-
आयै नोँ आंनि-
117.
मादि हाबा मावदोँ
आं दिनै नोँनिनो सायाजोँ
आयै नोँ आंखौ मावनोदि होयो थुलुंगा-
118.
गोथार लामाया नोँनि मेगन थिफायनाय होना-
बेजोँ हराव नोँनि बनजार
119.
लानाखौ दिन्थिना हो
आयै आं नोँनिनो-
थाबायगोन नोँनि खिन्थिजोँ-
120.
आयै आं दावबायारि गिथाव मुलुगनि
गोथार नोँनि अननायजोँ-
121.
थुलुंगा नोँ आयै
गोथार बोर नोँनि सास्रिनाय
बेनो आंनि हेफाजाब दावबायनाय लामानि
122.
बिखुंआव थफ्ला
नोङो हो हाबा आंनो-
नोँखौ मदद होगोन आं-
123.
नै आयै आंनि आंगोनि
जिउ जोनोमनि-
नोँनो दिङारि आंनि
खोनायो आयै नोँनि बोसोन
124.
रिँफोर रैसुमै दिनै-
दाथां आंखौ नागारनानै-
बे जोनोमनि नोँ आंनि
अरायनि-
125.
आयै नोँ आंनि-
निजोम हरा सोम सोम खोमसि
आन्दायनाय सांग्रेमानि मोले सोरां
नोँ आंनि बनजार
आरो साथि
126.
जिउ होनानै फोजोँबाय नोँ गासा
आयै नोँ आंनि-
दिन्थिगिरि लामा जिउ जुजिनि
127.
थिसनबाय आंखौ
फोरोँबाय थाबायनो-
जुजिनाय लामायाव नोँनो
128.
नै आयै नोँनि आसि थुहरनाय
बे गोथार दिन्थिखौ
नुहरदोँ आं मेगन हुफ्लेनानै-
129.
आंदि नायहरो आरो
सुजुदोँ मिजिँ-
गोरबोआ आरोबाव
आयै नोँखौ-
130.
जिउनि बेलासि समाव
आयै आं हास्थायदोँ
साया होनो-
आयै नोँ आंनि
131.
आयै नायहर हनै-
फैलाव अखोरांआव-
गियानि सानसुमा गेदेमाफ्रा
दावबायारि उरां जाहाजजोँ हान्थिलांदोँ
132.
दङ आयै नोँहाबो मिनिस्लुनाय
आयै होदो बोर थुलुंगा
उरायलांनो हानायनि आंबो
अखोरां बिखाजोँ-
133.
आयै दं नोँहा गोरिब हावरियानि
आयै दं नोँहा फिसानि
फेरलेब फेरलेब जालांनाय-
स्रिस्रि सुथेना होनो
134.
आयै नोँ थानो नाङा
बिखा खायसिब खैफोदखौ गिनानै
आयै नोँ बिखा फोर्दान
सौसिनांगोन खोमसि हराव बनजारजोँ
135.
नेवसिनांगोन गोसा दुंनाय
सान सान्दुं आरो अखाखौ
बारहोनांगोन फिसाखौ दैनि दाहारजोँ
136.
आयै नोँ जुजिनांगोन-
आं जागोन नोँनि-
सानसे सानथ्रि गाहाय
आयै आं जागोन नोँनि असे