Sunrise—Hast thou a Flag for me?
At Midnight, I am but a Maid,
How short it takes to make a Bride—
Then—Midnight, I have passed from thee
Unto the East, and Victory—
Midnight—Good Night! I hear them call,
The Angels bustle in the Hall—
Softly my Future climbs the Stair,
I fumble at my Childhood’s prayer
So soon to be a Child no more—
Eternity, I’m coming—Sire,
Savior—I’ve seen the face—before!
बे दैमाखौ बारनो दिङा दंमोन
दिङारिया जोबोद साहस गोनांमोन
बियो बयनिबो थाखाय राहागिरि।
462
मोनफ्रोमखौ समावनो बे दिङायाव
खिबु फिथेँनो जायगा मोनलायै गाखोयोमोन,
माब्लाबा दिङाया दै खावखांहां जायो
समाव दिङाया बेल्थायना मानसि थैयोमोन।
463
सानसेखालि बिसिखौ लानानै सुखारुआ
बे दैमाखौ बारनो नाजाबाय,
दिङायाव गोबां मानसि गाखोबाय
रिँखिया गाखोनो मोनाखिसै।
464
सुखारुआ बिखा थारला बावदोँमोन
दिङारिया दिङाखौ गोख्रैनो जावबाय,
बियो खेबसे दोनहैग्रोनानैसो आरोबाव
फिन आद्राखौ लांफैगोन बुंबाय।
465
जेब्ला दिङाया दैमा गेजेराव मोनो
दिङाया बेल्थायहां गोदोहां जाबाय,
गाखोग्राफ्रा गाबस्रावनो हमनायसै
बिसोर अबंलावरियाखौ आर’ज खालामबाय।
466
थेवबो दिङारिया गोसो होना जावबाय
दैया बेसेबा दाहार जाबाय,
रुगुं होसोना दिङाया खारनायसै
दान्दिसे उनाव मारुं मोन्नायसै।
467
जेब्ला दिङाया मारुं मोनफैयो
अब्लासो गाखोग्राफ्रा रंजाबाय,
बिसोर दिङारिखौ साबायखर होबाय
दिङारिया बिसोरनिफ्राय बोर आजावबाय।
468
जेब्ला दिङारिजोँ लोगोसे सुखारुआ
दैमा गेजेराव सफैफिनो
अब्ला सासे आयुमाया रिँखिजोँ नुजाफैबाय
रिँखिया जोबोद गाबख्रावनो हमबाय।
469
नाथाय बोलो गोरा सेंग्रा आयुमाया
रिँखिखौ बामखांना लाबाय,
बिनि उनाव बियो जोबोद खुसिजोँ
अरन फारसे लानानै थांबाय।
470
सुखारुआ बिसिखौ नुफैयैआव बेसेबा
मेमब्राय मेमब्राय गाबनो हमबाय,
गोसोखौ हमथानो हायैजोँ
बियो दैमायाव बाज्रुमनो नागिरबाय।
471
दिङारिया बिखौ गोरायै हमथाबाय
बियो हाजासे सुखारुखौ बुरखायबाय,
बेबादिनो दुखु-दाहाजोँ सुखारुआ
जेब्लाबो दिङारिजोँनो थाफाबाय।
472
बियो जेब्लाबो गोमानायनि देँखोखौ
सुफिनाव रिँखां होनो हमबाय,
बिनि बेबादि देँखोखौ खोनानानै
दैमानि गासैबो दुखुआव गोग्लैबाय।
473
सान हर रिँखिया जेब्लाबो
आयुमा सेंग्राजोँनो थाफानो नांबाय,
बियो अरायबो दुखुआव गबबाय
अरननि जिब-जुनाराबो गाबनांबाय।
474
बियो हाग्रानि फिथाइ जानानै
बेसेबा हामग्लिनो हमनायसै,
आयुमा सेंग्राया बिखौ जोबोद अनबाय
नाथाय रिँखिया अब्लाबो गोजोनाखिसै।
475
खुसियै आयुमा सेंग्राया रिँखिखौ
गावनि हिनजावबादि खालामबाय,
नै बोसोरनि उनाव रिँखिया
सासे गथ’खौ जोनोम होबाय।
476
आरोबाव बिनि देहाया गाज्रिसिन जानायसै
बियो सान हर गाबनायसै,
बिनि गाबनायाव जेब्लाबो
जिब आरो दाउसिनफ्रा गोजोनाखिसै।
477
रिँखिया अरनखौ गोरान जालांनाय नुबाय
अख्रांआ जेब्लाबो खोमसि,
बिफांनि बिलाइफोरा लह्रायना थायो
जेरैबो दरसि आरो हावासि।
478
सानसेखालि आयुमाया आदार नागिरनो थाङो
बे समाव रिँखिया गोदो गोदो उन्दुना दंमोन,
मासे दाउसिना थेँथेँ गारांजोँ
बिखौ उसु-खुथु फोजा फैयो।
479
रिँखिया बे दाउसिनखौ होसोनायसै
दाउसिन अरन गेजेर गेजेर बिरनायसै,
मोनसे समाव दैमा सेराव सफैबाय
अब्ला दाउसिनखौ बियो आन्दायबाय।
480
दैमा सेराव सफैनानै रिँखिया
जोबोद दै गांनायसै,
बियो गावनि आखायजोँ खावखांना
गांगाजासे ग्रद ग्रद लोँनायसै।
481
दान्दिसे उनाव बियो उन्दुनायसै
अख्रांआव खेबसे जोमै मोफ्लामबाय,
ग्रुम मोनसे सोदोब खोरोमबाय
दैमायाव मोनसे गुथाल जाखांनायसै।
482
बिनि उनाव रोमै रोमै बियो खोनाबाय
बैदासि सिफुंनि देँखो,
बियो दुबफुं सिखारना नायहरबाय
दैमायाव हानजा हानजा दाउसिन।
483
बियो सिफुंनि देँखोखौ नागिरना
दैमा सेरसेर थाबायबाय,
बियो खेबफा उखैनायजोँ गोग्लैबाय
लासै लासै दिङा गाथोनसिम सफैनायसै।