Warna kaise mai jaag jaata
Adhuri neend se achanak….
Wo jo kahin se awaz dekar
Chup jaata hai achanak
Warna kaise mai mud jaata
Aur baat karta apne se…
Parchayi ban wo saath chalta hai
Kabhi aage kabhi peeche
Warna wo rukh kyun badalta
Yaksa kyun na rehta……
Gum sum kar deta hai kabhi
Jab bolne lagta hoon mai
Warna kaise mai chup reh pata
Mehfil mein doston ke sang….
Wo jo saath hai mere wo chod jayega
Wo jo paas hai mere chala jayega
Warna kyun meri umr badhti gayi
Kyun mai jhukne laga…..
Haan wahi to hai jo saath rahega sada
Isliye ab paas nahi hai
Warna kyun wo dastak deta hai
Aur saath rehne ka wada kiya..