‘Comparative Anatomy’—
By which a single bone—
Is made a secret to unfold
Of some rare tenant of the mold,
Else perished in the stone—
So to the eye prospective led,
This meekest flower of the mead
Upon a winter’s day,
Stands representative in gold
Of Rose and Lily, manifold,
And countless Butterfly!
I am right
With my poetry.
And I value
Life 100%.
I’m proud to be a man,
And I’m okay
With this life.
Leave a Reply
सोदोब आंनि
अननाय जासिगोन जिउ मोनसे,
हास्थायनाया जासिगोन हां मोनसे,
नोँनोनो होयो रैसुमै आंनि
बावबाय।
101
दिनै नोँनि दखनायाव
जोमग्रा फास्रा रोबैयाव
दङ आंनो सिरि सिरि…
आंगायनाय गैया नायनो महराव।
102
खाफालाव मोनसे लिरनाय दं
बे मोजां मोननाय सिखावै,
हास्थायो आन्दोआव-
नोँखौ साजायनो गावनिबादि।
103
नोँनि रागाया जोँखांथोँ गोरबोआव
हेँथा आंनि अख्रा हास्थायनायाव,
अब्लाबो बुंगोन गोरबोआ-
नोँ आंनि।नोँ आंनि।
104
फेनाय नङा आंनि मोजां मोनहाबनाया
जागायनायसो जौमोननि-
नोँ आंनि
नोँ आंनि
साजायो बेखौनो मोनसे लामायाव।
105
जेसे दं सोदोबा
गासैबो फानफ्रेनाय बिखानि,
मोजां मोननाय बेयो,
मोजां मोननाय आंनि-
थबस्र’ जलाङा सानसेनो,
बेरफ्रुथोँ सानसे जाबासो समा,
बेसो आर’ज जिउनि।
106
नोँ जेब्ला सिगां रायदावो-
आं सानग्रोयो बाथ्राखौ,
रैसुमै नोँनो फिन्नायखौ होयो;
मिनिस्लु मोखांआव मेगना।
107
नोँनि अननाय मोनाखै आं
गोसोजोँ सानो बेखौनो,
नोँनि फिन्नाय मोनाखै आं
सोँनायखौ आंनो होआखै,
रैसुमै गोजोनो आं अब्लाबो।
108
बेबादि नोँखौ सानै सानै
उन्दुलाङो आं गोजोनै,
मोजां मोनो सना नोँखौनो।
109
नोँनि मुं लानानै सुजुयो खन्थाइखौ
नोँनि देँखो बोनानै रोजाबो-
आं मेथाइखौ।
110
मिथिया मिथिया आं
नोँदि मा सानो आंखौबा-
मोजां मोनो रैसुमै आं।
111
दिनै आं हमदांबाय गावखौ
नंखाय नङा गावनि हास्थायनाया,
जिउनि बाना मोजां मोननाया।
112
फुर्णिमा दिनै अखाफोरा गावदां दां,
रुजुयो समायना खावलाय फावदुर
रैसुमै, खन्थाइ सुजुयो गोरबोजोँ।
113
माब्ला हमदांगोन सना नोँ?
आंनि सिखाव गोरबोखौ,
सिरि सिरि मोजां मोननायखौ।
114
गोबां बाना जिउनि-
– आंनि मोजां मोननायखौ,
हागोन माबे समाव?
फोरमायनो खाबु गेबेँङै-
बेखौनो सानदोँ दिनै गोरबोआ।
115
सुखुआव-दुखुआव-मिजिँआव
थायो नोङो गोरबो इसिँआव,
रैसुमै बावगारा दिनै नोँखौ जिउआव।
116
गाज्रि-मोजां बिजिरनायखौ
सान्नो हागौ आंनि गोरबोखौ-
मानोदि बियो मोजां मोनखोमायो।
117
जेब्ला नोँ साफियो आंजोँ-
– सोँगोन आं नोँनाव,
जिउआव सायख’खो सोर
लोगोआव?
आंखौ दोनगोन गोजानाव?
118
जिउआ आंनि लाइजौ बिखुंआव?
गोसोआ आंनि बांग्रिँ गाथोनाव?
सोङो आं अबंनाव-
मोजां मोनो नोँखौ मानो
जिउआव?
119
गोरबोआ आंनि रमान्टिक रायजोआव
नोँखौ फोरमायनाय बह्रा सोदोबाव
मोजां मोननाय राव गोरबोआव,
गैया फोरमायनाय खुगायाव।
120
माब्ला नोँनि जुलि समा फैगोन
सोरनि गोरबोजोँ गोरोबनायाव
सानो दुखु गोरबोआव।
121
बै आंनि मोजां मोननायखौ
फोथांना लाखिथोँ नोँनि-
गासैबो आंनि गनाय गोरबोनि सोदोबा।
122
नोँ दुखुआव गाबगोन-
अख्रा आंनि मोजां मोननायखौ,
बेनिखायनोसो आं फोरमायाखै?
गावनि गोथार हास्थायनाय-
जिउनि मोजां मोननायखौ।
123
नोँ आंनि मोखांआव खोमसि
– आं बेखौ लुबैयाखै;
नोँनि मिनिस्लु महर-
बेखौनो लुबैदोँ नायनो,
समायना मुं मुस्रि मोजां मोन्नो
सिरि सिरि सिरि।
124
सानदोँ आं नोँनि सायखंआव
सिरि सिरि नोँखौ-
नायना गोजोन्नो,
जेराव नोँनि खुसि आंदि दुखुआव
गोजोनो आं बेवहानो।
125
आं लाइजाम नोँनो फोरमायगोन
गोबाव जाबाय समा-
गोजाम सोदोब दिनै खोमायाव
रिँबाय थायो गोरबोआव।
126
सेरेफुन्जियाव नोँजोँ आंजोँ-
बेवनो मिथिगोन गासैखौबो
सोदोब बह्रा बिखायाव।
127
मोजां मोन्नाया बिबार बादि
थफियै गेवलाङो-
मोदोमफ्रु बारजोँ गिदिँङो,
गोरबोनि बारसे बिबारा
– दा गेवलाङाखै,
खाबुखौ आंनो होआखै,
दै नोँनो लुवाखै बिथ’आव;
बेयो थाखोमादोँ बारि आंनि
– गोथौ हाखर गोरबोआव।
128
जेरैबादि नोँ सानो लामायाव
आं साना बेबादि मिजिँआव
बिबारबादि महरै नोँ मिनियो-
दुखु गोनां सानहाबो आं मुस्रियाव।
129
बारसे बिबारा आंखौ सानहोयो
सम गैया बेहा आरोबाव-
लरहायो सिरियै…
दुखु नाङो मालिया;
आंहा दुखु फैयो ने?
130
मिनिनाय जेबो गैया मोखांआव
फैगोन फेलेँ फारागआव,
बेखौनो सानहाबो लामायाव।
131
आंनि जिउआव मोजां मोननाय
बेयो सानसे रुगुं गैयैआव-
बेरखांनाय गोरबोआव सोदोबा
– अरायसमनि जागोन हास्थायनायाव।
132
गाबनो नागिरो गोरबोआ
जागोन जाया इयुननि
– सना साननानै नोँखौनो।
133
आबुं जाबाय अननायजोँ
सोदोब बह्रा ओँथियाव?
मादि सानगोन मिथिया नोँनि।
134
मिजिँ बाफबनाय जिउआव
साजायो साजायो महर नोँनि-
लु गोरबोनि मुं सुना।
135
सानबाय थाना लुबैनायनि थाखाय
दाखोन जाबाय गोरबोआव,
खेबख्लाब जाया अननाय।
136
नोँनि गोरबो दांग्रोम बायनानै
मोनबाय आं गोथौ निजोरा-
बिरखांनो हाया खुवा महराव
मोजां मोनो बेवनो गोजोमनानै।
137
नोँखौ आं गोसो खाङो मुंआव
बावनो हाया मुस्रियाव,
मोजां मोनो हाबायाव।
138
मोखांआवनो नायहाबो साननानै
नोँ फैब्ला मोखांसे मेगननाव,
आंनि गोरबोनिफ्राय ओँखारनाय रावआ
सोदोब गैया बुंफोरनाय हास्थायनायाव।
139
नोँनि मिनिस्लु मिनिनाय
गोजोन होयो गोरबोनि सोदोबाव,
– गोरबोजोँ गोरबोआव।
140
बेबादिनो आं सानहाबो
नोँनि साननायखौ बिजिरना,
नोँनि दरखंआव थाङो-
आंनि गोसो बायगर मेगना।
141
बिखानि खामग्लिनाय अरा
जोँखांफिनो साननायनि बारजोँ,
लाजिनाय मेवखाङो उनफिनब्ला,
गोरबो सिङाव गोथौ नागिरो।
142
खोमसि हराव मिनिग्लाबो
उन्दै उन्दै एम्फौफोरा,
गोसोआव फैयो आंहा-
जुलिनि ललिनाय गोरबोआव।
143
हेँथा नङा नोँनि साननायनि
गोरोबनो लुबैयो जिउ गोरबोआव,
अरायबो हास्थायो सानैजोँ-
दुगा नङा गोसो मिजिँआव।
144
होदो नोँनि गोरोबना साननायखौ
सिरियै सानहाबनो बेखौ,
अरायबो मोजां मोनहाबनो।
145
नोँनो फोरमायनो मानोबा
आंहा फैयो गिनाय-
फिसियो मोजां मोननायखौ,
देरबाय हालो-दैलो जिउआव।
146
जिउआव जेसेबां सान
लोगो मोनबाय मेगन लामायाव,
जायाखिसै फोरमायनाय-
आं नोँखौ मोजां मोनो।
147
जिउआव दिनै जाय थाखोमादोँ
बेनो जादोँ नोँनो-
आं फोरमायाखै बेखेवना,
आं बुंआखै खोमा बिलाइयाव।